მეცხრე დღის რეფლექსია

დასრულდა ინტელის სასწავლო პროექტებით სწავლების ტრენინგი. ამ დღეს ვუმუშავეთ ბლოგებზე, კერძოდ ბლოგის ჩანართებში განვათავსეთ ახალი ინფორმაცია. ტრენინგის ბოლოს მოვაწყეთ ჩვენი პროექტის პრეზენტაცია და გავაკეთეთ ურთიერთ შეფასებები და თვით შეფასებები.
უღრმესი მადლობა ქალბატონ ნათიას გაწეული სამუშაოსთვის. ძალიან სასიამოვნო იყო მასთან მუშაობა.

მერვე დღის რეფლექსია

 ტრენინგის მერვე დღეს მოსწავლეთა ფასილიტაციის მიზნით დავამზადეთ დოკუმენტი. ვაწარმოეთ პროექტის მახასიათებლების ჩეკლისტი და პორტფოლიოს ჩეკლისტი და ელექტრონული პორტფოლიო გამოვაქვეყნეთ ბლოგზე.

წელიწადის დროები - პროექტის პორტფოლიო

წელიწადის დროები - პროექტის პორტფოლიო, დაწყებითი საფეხური, მე-3 კლასი

მეშვიდე დღის რეფლექსია

ტრენინგის მეშვიდე დღემ წარმატებით ჩაიარა. განვიხილეთ და გავაკეთეთ მოსწავლის განმავითარებელი შეფასების რუგრიკები, გავეცანით მოსწავლეთა მხარდაჭერის ფორმების შაბლონს და თავად შევქმენით ასეთი ფორმები და ბოლოს დავასრულეთ სასწავლო პროექტის გეგმის შევსება.
დიდი მადლობა ნათია. გილოცავ ბზობის დღესასწაულს.

მეექვსე დღის რეფლექსია

დასრულდა ინტელის პროექტებით სწავლების მეექვსე დღე. დღეს ჩვენ გავაკეთეთ მოსწავლის ნაშრომის შეფასების რუბრიკა, ბლოგზე ავტვირთეთ პროექტის გეგმის პრეზენტაცია და ასევე ბლოგზე გავაკეთეთ ჩანართები.

პროექტის გეგმის პრეზენტაცია

მეხუთე დღის რეფლექსია

ინტელის პროექტებით სწავლების მეხუთე დღეც საინტერესო და ინფორმაციულად დატვირთული იყო, გავაკეთეთ შეფასების ინსტრუმენტების მოკლე მონახაზი, ვიმუშავეთ ციტირებულ დოკუმენტებზე და გავაკეთეთ მოსწავლის ნაშრომი.

 დიდი მადლობა ქალბატონ ნათიას ასეთი გულისხმიერებისთვის და თავდაუზოგავი შრომისთვის.

მეოთხე დღის რეფლექსია

ინტელის სასწავლო პროექტის მეოთხე დღეც საინტერესო და ნაყოფიერი იყო.
დღეს განვიხილეთ შეფასების დროის ჩარჩო, კერძოდ ვისაუბრეთ შეფასების ფორმებზე და სტრატეგიებზე,  რომელთა მეშვეობითაც შეგვიძლია დავადგინოთ მოსწავლეთა წინარე ცოდნა და საჭიროებები.  ასევე ვიმუშავეთ პროექტის გეგმის პრეზენტაციაზე.

მესამე დღის რეფლექსია

ინტელის პროექტის მესამე დღეც ძალიან საინტერესო იყო. დავიწყეთ მუშაობა სასწავლო პროექტზე, სადაც შევიტანეთ ეროვნული სასწავლო გეგმით გათვალისწინებული საგნობრივი სტანდარტები და განვმარტეთ პროექტის მიზნები და შედეგები. ასევე გავეცანით გუგლდოკებზე მუშაობის პრინციპებს და  განვიხილეთ მიმართულების მიმცემი საკვანძო კითხვები, რომელიც ხელს უწყობს მოსწავლეებს, გამოიყენონ მაღალი დონის სააზროვნო უნარები, სრულყოფილად გაიგონ ძირითადი ცნებები და სისტემურად გაუკეთონ ორგანიზება ფაქტობრივ ინფორმაციას.

მეორე დღის რეფლექსია

ტრენინგის მეორე დღე ნაყოფიერი და ნაყოფიერი იყო. ვისწავლეთ ბროშურების დამზადება ვორდში, ასევე მზა ბროშურების მოძიება და გამოყენება, დავამზადეთ ბროშურა მშობლებიათვის და გავაკეთეთ ბლოგზე კომენტარები.

პირველი დღის რეფლექსია

პირველი დღე ძალიან საინტერესო იყო. ქალბატონმა ნათიამ გააკეთა ინტელის ძირითადი კურსის ზოგადი მიმოხილვა, ისაუბრა კურსის მიზნებსა და ამოცანებზე, განმარტა, თუ როგორ შეიძლება ტექნოლოგიების ყველაზე ეფექტური გამოყენება სწავლების პროცესის ხელშეწყობის მიზნით.
  გავეცანი კურსის მონაწილე პედაგოგებს და იმედი მაქვს მომავალშიც გაგრძელდება ჩვენი თანამშრომლობა.